राज्य उत्पादन शुल्क विभागाची मोठी कारवाई | गोवा दारूसह तब्बल पावणे दहा लाखांचा मुद्देमाल जप्त | संतोष कुडतरकर ताब्यात

0
298

कुडाळ : मुंबई-गोवा राष्ट्रीय महामार्गावर कुडाळ तालुक्यातील पावशी मिटक्याचीवाडी येथे राज्य उत्पादन शुल्क कुडाळ या पथकाने गोवा दारूची वाहतूक करीत असताना चार चाकी वाहनासह रु. 9,78,000/- मुददेमाल जप्त केला.

राज्य उत्पादन शुल्क कुडाळ जिल्हा सिंधुदूर्ग यांना मिळालेल्या गोपनीय बातमीनुसार दिनांक 7 मे रोजी मुंबई गोवा राष्ट्रीय महामार्ग पावशी मिटक्याचीवाडी येथे सापळा रचला होता. सदरवेळी गोव्यावरुन मुंबईच्या दिशेने जाणा-या टाटा कंपनीचे राखाडी रंगाचे सुपर एसच्या चारचाकी टेम्पो (क्र. एमएच-07/ पी-2647) या वाहनाला थांबवून तपासणी केली असता, सदर वाहनामध्ये गोवा राज्य निर्मित दारुने भरलेले 180 मिली मापाच्या 110 पुठ्ठयाच्या बॉक्समध्ये 5280 सिलबंद बाटल्या असे 5,28,000/- रु. किंमतीचा मुद्देमाल आढळला. तसेच वापरण्यात आलेल्या वाहनाची अंदाजे किंमत रु.4,50,000/- असा एकूण मिळून रु. 9,78,000/- असा मुद्देमाल जप्त केला.

गोवा मदयाची बेकायदेशीर वाहतूक करताना संतोष नारायण कुडतरकर (रा. माणगांव ता. कुडाळ ) याला पुढील कारवाईसाठी ताब्यात घेण्यात आले.

सदरची कारवाई यशवंत पवार, विभागीय उपआयुक्त, राज्य उत्पादन शुल्क, कोल्हापूर विभाग कोल्हापूर व व्ही. व्ही. वैद्य, प्र. अधीक्षक, राज्य उत्पादन शुल्क सिंधुदूर्ग यांच्या मागदर्शनाखाली निरीक्षक. ए. ए. पाडळकर, दुय्यम निरीक्षक श्री. ए. आर. जगताप यांनी कारवाई केली. सदर कारवाईमध्ये दुय्यम निरीक्षक डी. एम. वायदंडे, स.दु.नि. ल आर. डी. ठाकूर, जवान-नि-वाहनचालक एच. आर. वस्त, रणजित शिंदे, जगन चव्हाण यांनी मदत केली. तपास राज्य उत्पादन शुल्क कुडाळ निरीक्षक ए. ए. पाडळकर करीत आहेत.

ताज्या घडामोडी, अपडेट्स आणि तुमच्याशी निगडीत प्रत्येक गोष्ट मिळवा एका क्लिकवर! फेसबुक, इन्स्टाग्राम आणि ट्विटरवर आम्हाला फॉलो करा. युट्युब, व्हाटसअप आणि टेलिग्रामवर सबस्क्राईब करायला विसरु नका.