सावंतवाडी : येथील राणी जानकीबाई वैद्यकीय संस्थेच्या संलग्न रुग्णालयात शनिवारी सकाळी १० ते २ या वेळेत मूळव्याध, भगंदर व फिशर या आजाराच्या रुग्णांची मोफत तपासणी शिबिर आयोजित केले आहे.
या शिबिरासाठी कोल्हापूर येथील तज्ज्ञ डॉ. वीरधवल पाटील व सावंतवाडी येथील प्रसिद्ध शल्यचिकित्सक डॉ. राजेश गुप्ता उपलब्ध राहणार आहेत. तरी सावंतवाडी परिसरातील रुग्णांनी याचा लाभ घ्यावा. यासाठी रुग्णालयाच्या बाह्य विभागात नाव नोंदणी करावी, असे आवाहन प्रा. डॉ. बाबासाहेब पाटील व अध्यक्ष अॅड. दिलीप नार्वेकर यांनी केले आहे.
