खुल्या कथालेखन स्पर्धेत हर्षदा देवधर प्रथम

0
230

वेंगुर्ला, दि. १० : पुणे येथील ज्येष्ठ साहित्यिक अरुण सावळेकर यांनी वेंगुर्ले येथील ‘किरात दिवाळी अंका’साठी सिंधुदुर्ग आणि  रत्नागिरी जिल्ह्यातील महिलांना प्रोत्साहनपर आयोजित केलेल्या खुल्या कथालेखन स्पर्धेत डॉ.हर्षदा देवधर ( झाराप ) यांनी प्रथम, सरिता पवार ( कणकवली ) द्वितीय तर प्राजक्ता आपटे ( वेंगुर्ले ) यांनी तृतीय क्रमांक पटकावला आहे.

या स्पर्धेत सिंधुदुर्ग आणि रत्नागिरी जिल्ह्यातील २५ स्पर्धकांनी सहभाग घेतला होता. उर्वरित निकालामध्ये श्वेतल परब ( सावंतवाडी ) चतुर्थ, मुग्धा शेवाळकर ( दोडामार्ग ) पाचवा, आणि कल्पना मलये ( कणकवली ) सहावा यांचा समावेश आहे. स्पर्धेचे परीक्षण साहित्यीक वीरधवल परब यांनी केले . विजेत्या १ ते ६ क्रमांकाच्या कथांचा समावेश किरात च्या दिवाळी अंकात करण्यात आला आहे. सर्व विजेत्यांना रोख रक्कमेसह अरुण सावळेकर लिखित ” नाट्यरंग ” या दीर्घाणकिकेची प्रत दिवाळी अंकासोबत भेट देण्यात येणार आहे. विजेत्यांचे सर्व स्तरातून अभिनंदन होत आहे.

ताज्या घडामोडी, अपडेट्स आणि तुमच्याशी निगडीत प्रत्येक गोष्ट मिळवा एका क्लिकवर! फेसबुक, इन्स्टाग्राम आणि ट्विटरवर आम्हाला फॉलो करा. युट्युब, व्हाटसअप आणि टेलिग्रामवर सबस्क्राईब करायला विसरु नका.