…तर ‘फिल्लम’ला रामराम करणार ‘हा’ दिग्गज अभिनेता..!

0
391

मुंबई | प्रतिनिधी | दि. ०५ : ज्येष्ठ अभिनेते आणि मक्कल नीधि मय्यम या राजकीय पक्षाचे संस्थापक कमल हसन यांनी एक खळबळजनक व्यक्तव्य केलं आहे. राजकारण हे जनतेच्या सेवेचं एक उत्तम माध्यम आहे. अन् जनतेची सेवा करताना तर चित्रपटांचा अडसर होत असेल तर ते सिनेसृष्टीतून कायमची निवृत्ती घ्यायला तयार आहेत, असं घोषणा त्यांनी केली आहे.

नुकत्याच दिलेल्या एका भाषणात कमल हासन यांनी आपल्या राजकीय भवितव्यावर भाष्य केलं. ते म्हणाले, “मी देशातील त्या 30 टक्के लोकांपैकी एक होतो जे राजकारणापासून पुर्णपणे अलिप्त राहतात. परंतु परिस्थितीनं मला राजकारणात येण्यात भाग पाडलं. आता मी माझं पुर्ण लक्ष जनतेच्या सेवेसाठी केंद्रित करणार आहे. अन् हे कार्य करत असताना जर माझं फिल्मी करिअर आड येत असेल तर मी चित्रपटसृष्टी कायमची सोडून द्यायला तयार आहे. माझे विरोधक म्हणतायेत हा केवळ एक पब्लिसिटी स्टंट आहे. काही दिवसांनी मी राजकारणातून गायब होईन. आता जनताच ठरवेल कोणाला गायब करायचं ते.”

ताज्या घडामोडी, अपडेट्स आणि तुमच्याशी निगडीत प्रत्येक गोष्ट मिळवा एका क्लिकवर! फेसबुक, इन्स्टाग्राम आणि ट्विटरवर आम्हाला फॉलो करा. युट्युब, व्हाटसअप आणि टेलिग्रामवर सबस्क्राईब करायला विसरु नका.