नेमबाजी-कुस्तीत जिंकली २ – २ सुवर्णपदके; वुशूत पहिल्यांदा एकाच खेळात ४ पदके

0
434

जकार्ता – भारतीय खेळाडूंनी पहिल्या चार दिवसांत ४ खेळांमध्ये २०१४ इंचियोन आशियाई स्पर्धेतील प्रदर्शनाला मागे सोडले आहे. नेमबाजी आणि कुस्तीमध्ये खेळाडूंनी आतापर्यंत प्रत्येकी २ सुवर्णपदके पटकावली. पहिल्यांदा वुशूच्या खेळाडूंनी एका खेळात मंगळवारी चार पदके पक्की केली होती आणि बुधवारी ते मिळवली देखील. सेपक टकरामध्ये भारतीय टीमने आतापर्यंतचे पहिले पदक जिंकले आहे. खेळाडू गत वेळेच्या एकूण प्रदर्शनाला मागे सोडतील, अशी आशा आहे. इंचियोनमध्ये भारताने ११ सुवर्णांसह ५७ पदके जिंकली होती. नेमबाजीत १० मी. एअर पिस्तूलमध्ये १६ वर्षीय सौरभ चौधरीने सुवर्ण जिंकले. पहिल्या खेलो इंडियामध्ये निवड झालेल्या खेळाडूंच्या यादीत सौरभचा समावेश आहे. राही सरनौबतने करत २५ मी. पिस्तूल प्रकारात सुवर्ण जिंकून दिले. दीपक कुमारने १० मी. एअर रायफल, संजीव राजपूतने ५० मीटर ३ पोझिशन व लक्ष्यने ट्रॅपमध्ये रौप्य मिळवले. अभिषेकने १० मीटर एअर पिस्तूल प्रकारात कांस्य, मिश्र दुहेरीत रवी कुमार व अपूर्वी चंदेलनेने कांस्यने जिंकले. कुस्तीमध्ये युवा मल्ल बजरंग पुनियाने ६५ किलो वजनी गटात शानदार प्रदर्शन करत देशासाठी सुवर्णपदक जिंकले. फायनलपर्यंत चार सामन्यांत बजरंगने एकूण १५ गुण मिळवले, विरोधी खेळाडू केवळ ३ गुण मिळवू शकला. महिला गटात ५० किलो गटात विनेश फोगाटने सुवर्ण मिळवले. खेळाडूंनी सलग दोन आशियाई पदके जिंकली. त्यानंतर दिव्या काकरानने ६८ किलो गटात कांस्यपदक जिंकून देशाला तिसरे पदक दिले.

LEAVE A REPLY

Please enter your comment!
Please enter your name here